講真，只係在於你膊頭上揹住D咩。
如果你係岩岩畢業無耐，做左年幾兩年野，係公司高未算高，低未算低，而且又無咩家庭負擔，最重要係仲未成為樓奴，又草到小小數。
當想轉換下工作環境，辭職後去一、兩個月旅行，的確唔係好難，亦唔需要取捨太多。
當想轉換下工作環境，辭職後去一、兩個月旅行，的確唔係好難，亦唔需要取捨太多。
只係在於敢唔敢去一個自己完全唔熟悉既地方生活咁耐。查實你唔去旅行係香港待業個幾月，係時間上同意義上呢兩個角度黎睇，其實說穿了都係 – 無業。
好，即使你工作已經進入巔峰狀態，無人可比，有好多人一定話：「喂，做到咁高，點走呀？」又係觀點與角度問題。或者呢個世界真係有人會打死一份工，又或者覺得搵唔返一份咁好水同穩定既工。但諗深一層，若果最後你堅係辭左職，難度你過往既經驗就會被寮寮數個月既旅行而沒殺左？我唔知，因為我未做到咁高。旁人亦唔知當下你個膊頭肩負住D咩，選擇從來都係在於自己。
喂，但你同我講你就黎結婚，打算開始做樓奴，仲計劃埋生仔，都可以看破紅塵，決定辭職再去轉長旅行，係香港地黎講，你就係好勇。
又或者你需要擔起成頭家，生活開支靠唒你，但你都辭職去旅行，你唔只勇，直頭係無膊頭。
再講，你話你已經去到退休年齡，有仔有女，唔使再諗供樓，係時間要退下火線，享享清福，然後決定去轉旅行。係勇，但並唔係因為「辭職去旅行」而勇，而係無可否認人到中至尾年，體力必然會下降，再鼓起勇氣向世界出發的確唔係一起容易既事。
講到尾，其實世界上有好多人都可能做緊同一件事 - 辭職去旅行。有時，無必要將「辭職去旅行」同「好勇敢/大無畏」掛鉤，只係當下你身後有幾多磅責任同你自己敢唔敢、想唔想踏出一步睇下呢個世界到底有幾大。
我從來都唔會鼓吹別人辭職去旅行，因為我唔會知到底人地背後揹住幾多重擔。但我絕對會鼓勵朋友們去睇下呢個世界！自己一個又好，成群結隊又好。
因為: The world is a book and those who do not travel read only one page – Saint Augustine
天主創造左個咁靚嘅世界，我都好鼓勵大家喺自己能力應付到嘅範圍內（無論經濟抑或體力），出走欣賞吓造物主對世人嘅欣典。
回覆刪除