窮途未末路，誓死不認命

大學三年，最期待既並唔係個張沙紙，而係人生第一個亦都(可能)係最後一個「畢業旅行」！

Final year亦係大家熱烈討論畢業旅行去邊殊既良晨吉日。身邊朋友(黨友們)陸陸續續道出自己夢想中既畢業旅行：「台灣環島遊」、「日本購物全攻略」、「東南 亞碧波蕩漾之旅」．．．「唔，但我想衝出亞洲去歐遊喎」．．．旋即換黎無數既反擊：「無水喎」、「個度物價好高架喎，玩同食都唔盡興啦！」、「等出黎做野 有錢先去啦！」．．．

最後，我只係回應左一句：咁我自己去啦！我要做Backpacker！

係，呢個係我夢想。做Backpacker！

下場又係一樣：「你玩野咩！自己一個女仔點去丫？」、「傻的嗎？自己一個咁危險！」、「你屋企俾咩？」．．．

經過被連續機關槍掃射下，好彩我並未訓底，反而憑住個種唔識死同大無畏既精神，我最後終於成功買左一張差唔多一個月既歐洲機票，唔包食宿只包自己同個Backpack。亦都開始左我Backpacker成魔之路．．．

由決定到買機票總共用左差唔多成年時間，無他，要草 錢嘛。大學有句說話：Play hard Work hard。大學既頭兩年因play得太hard，中7做苦力得來既資金同大學既part time薪水已經燃燒得八八九九。所以我憑著Work hard既精神，由學頭到學尾，有空堂有假期既時候，都會用盡我所有時間返工同返工，朝8晚11，總之我要搏盡佢！

噢耶～買左機票同Backpack後，諗埋路線：荷 蘭－比利時－德國，下一步就係要計算下點樣係旅程中慳得就慳。不過旅途開始前，最重要係點樣搭通天地線，要身邊既豬朋狗友合力營造我係同成班人去歐遊而唔 係獨自一人，務求過到屋企呢個大佬關。如果唔係．．．我張機票隨時凍過水．．．雖然衰女左小小，返到香港既結果都不堪回首．．．不過．．．人生第一次下 海！無可能咁易放棄！

＊＊＊＊

好多人都會俾好多藉口自己，自我否定原有目標，身邊友人亦會如此，內容不外乎：

1. 無錢　－　錢當然唔會自己變出黎，除非你中獎，但世上又有幾多幸福兒？想做想去做要靠自己努力。汗水得來的回報是最感動。
2. 無人陪　－　特別聽得多女性朋友咁講。如果你試過一次獨自出走，你便會瘋狂愛上。
3. 無時間　－　正正常常一個打工仔，應該都有年假．．．掛？都係睇自己點咇時間出黎。兩日一夜又好，黎個兩日兩夜(星期五放工即閃)。都係睇自己。
4. 無方向感　－　唔識睇地圖無所謂既！蕩失路可能會無意間發現到人間仙境！
5. 無興趣　－　咁我都幫你唔到。

其實諗咁多做咩？想去便去吧！

Facebook專頁：https://www.facebook.com/backpackersopoor

U Blog： 窮看世界。噢耶！