無Budget？唔使驚！
你可以試下以下既方法，包你使得少兼且仲有機會玩得好鬆手！
只要你唔怕辛苦、唔怕羞同夠吉士！
今日先講最重要既「食、住、行」入面既住同行先！(大家應該唔需要衣吧)
「行」
1. 平機票 勿走雞
當然唔會只講每週二既優惠或者不同航空公司既速銷啦！呢D對於打工仔黎講真係話咁 易就Miss左！其實唔同航空公司有時會有D時間唔靚又無人有興趣既機票，例如香港凌晨起飛(泛指3:00am-5:00am期間)，飛到同香港時區唔同 既地方仲要轉機，而當地又係凌晨抵達需要等到第朝先飛得。咁就要係機場訓半晚(仲慳返一晚住宿費)！呢種機票好多時都會比正常時間既機票平！不過都係個 句，你要唔怕辛苦囉。
2. 訓機場 好方便
呢個情況係，如果你買到平機票又唔使轉機轉到你暈，但係倒楣小小到達目的地係晚上 成十點十一點，出埋境都可能攪到凌晨，我建議你訓一晚機場。其實機場好安全同設備好齊全(唔係叫你係機場沖埋涼個隻)，基本既設施簡簡單易足以應付一晚。 咁就可以慳一晚錢，仲慳埋夜晚或凌晨特別貴既車費！
3. 順風車 呀尾盛
唔識路？車費好貴？Easy Job啦！搵個路人問，唔好成日低頭靠「谷歌Map」,分分鐘人地會兜埋你一份！我就試過係荷蘭、德國同花蓮坐過順風單車、私家車同電單車！當然，自己要有驚覺性，見機行事啦！
4. 用雙腳 走天涯
每天最好每日做30分鐘運動，係外地亦做到！旅行時不防多用行路既形式暴走景點，少用四輪代步，你仲會發現，原來走路會比坐車，看得更仔細，發現得更多。
「住」
1. 住Hostel 係重點
唔同階段既人選擇住既地方都有所分別，但我建議住到Hostel就住，仲要住多人房，Mixed既都無所謂！除左咁會平D，你仲可以結識來自五湖四海既旅人，一同大快人心！
2. 沙發客 無有怕
近期沙發客好似流行左好多。意即有D屋主可以免費俾你係佢地屋企住宿。敢唔敢，就真係睇自己啦！(沙發客其實有公開既交流網站，大家可以自行搜尋。)
3. 訓睡袋 遍地床
睡袋係長途背包客必備既物資！搵唔到房？身上無哂錢俾唔到住宿費？訓睡袋啦！又慳錢，又隨時訓得，仲係私家床！噢耶～
其實每個人旅行方式都唔同，我既未必岩你，你既又未必岩其他人。最重要係搵到屬於自己既旅行方法！
聽日再講埋點樣係「食」度慳啦！
(待續)
Facebook專頁：https://www.facebook.com/backpackersopoor
U Blog： 窮看世界。噢耶！ 
沒有留言:
張貼留言