畢業後終於大鄉里出城，首次踏足鬼佬勝地 － 荷蘭、比利時、德國，確實令我大開眼界！好，長話短說，以下係我遇過最深刻、最欣賞同．．．最憤慨既文化交流。
我像風箏飛 越過了界限好遠
1. 坐飛機 齊鼓掌
細細個 坐飛機，只係知上機要passport同機票；點餐或者有得揀；落機要拿拿聲，唔好硬坐機上阻住機務人員休息。但原來歐洲人仲有多一樣：飛機安全降落目的 地時，會成機乘客拍手掌。為左興祝安全抵達定為左感謝機務人員成程貼心服務我唔知，只係知個該我真的滾動了。簡單既舉動其實足以令付出者好滿足。呢個係從 俄羅斯轉機到荷蘭同德國轉機去俄羅斯發現的！
2. 人有三急 唔急得
係香港 你突然心繫馬桶，總有一個係左近。我以為，去到一個比香港更早開發同先進既國家，情況即使唔同，都一定，係一定好過香港(至少可能會乾淨少少)。殊不知！ 荷蘭想搵地方解決時，未入廁所門睇到門上告示，已經嚇！呆！了！要去廁所？得！俾錢先！唔同以往既內地(羅湖個邊)，去完先俾貼士。荷蘭既公共廁所係：無 俾錢，休想開廁所道門！雖然我無行哂咁多個廁所，但遇到既都係咁．．．經過一番探究後，原來呢個係公民責任，你有權利去廁所，都有義務去推持社區清潔 － 因為要請人清潔廁所！
盛惠0.5歐
俗話 說：「錢財不可露眼」。我再話：「旅行錢包盡收腰間」。意即將個細腰包收起衫入面，肚皮之上，即使訓緊覺都實冇有怕！不過．．．估唔到歐洲Hostel治 安可以咁好，眼看多數Backpackers都將自己既身家盡露，銀包呀、電話呀、Passport呀等等，全部任睇唔嬲！真係覺得自己有小小庯人自擾。 再細心諗下，喚耶！最危險既地方就係最安全既地方！咁多人一間房，你眼望我眼，誰敢動？！
哂你冷
汽水機、零食機或者賣遮機你係香港實見過。但你有冇見過賣熱辣辣熟食兼無找續服務 既自動點心販賣機？係荷蘭有款地道既小食叫可樂餅(唔係用可樂整的，佢係將麵包碎包住薯泥同白醬混合各式肉類、海鮮或蔬菜，再用油炸成既餅)，分別係各大 自動點心販賣機出售，隨街可見(係類似賣burger既店舖入面都有)。不過，部機係不設找續的．．．不知情下，問返店員找續，得返黎既答案係：「無得找 架啦！最多俾多件可樂餅你。」好！照殺可也！
打孖上可樂餅
放心！唔係叫你真係飲廁所水，而係因為歐洲國家既水質標準平均都比較高，以致大家都可以係水龍頭度直接裝水飲。當然，廁所入面既水龍頭都可以啦！我飲左成個月，都未見肚痾，仲慳左好多買野飲既錢。唔，敢唔敢試就睇自己啦！
其實文化與習慣呢樣野，有時書本上真係學唔到。出走回來，終於深明「讀萬卷書不如行萬里路」呢個道理。以上例子不過是蚊脾同牛脾，要全部告知或了解，確實尚有頗長既路。
＊＊喚耶！以上都係憑記憶同問路人，如有錯，歡迎告知同討論～
Facebook專頁：https://www.facebook.com/backpackersopoor
U Blog： 窮看世界。噢耶！
沒有留言:
張貼留言