窮看世界。噢耶！ : 有些朋友，你不能對他怎樣，但只可一起瘋狂到最後。

「X你！」、「好想打你」、「收X」、「你個X街！」、「白痴」．．．．．．

放心，呢篇唔係粗口文，只係唔知大家有無發覺同自己死黨講得最多既，可能就係呢類型既句子，再配以奇怪既(恥)笑聲。有時，你心中更會有下刪數N句既「繁文俗語」想對住佢地連珠發炮，但一見到佢地就無可奈何地吞返哂落肚。出現咁既情況多數有下列幾樣：
1. 遅大到
可能你身邊總有幾個朋友出街都例牌遲到，但每次自己總會好準時咁等佢。等待既過程中，你心中已經諗定成篇稿，預計到佢出現個時就可以出口成文。點知．．．你見到佢上氣唔接下氣咁趕過黎，仲對住你傻笑。之後點，你應該明白的。
2. 瘀上瘀
每個人總有「瘀」既一刻。但當你瘀個下咁岩係朋友在時發生，你只會聽到：「(自己全名)，你好白痴呀！哈哈哈哈．．．」想死黨安慰下？Impossible
3. 新朋友＝同黨
當帶D新識既朋友俾自己既老友認識時，你聽得最多既唔係你班死黨點讚自己，而係點樣數自己既蠢事呀、壞習慣呀俾人聽，等大家可以一齊笑下自己。真係．．．噢耶！
4. 午夜兇鈴
有無發現，你既兄弟姊妹們可能一日到黑都唔搵你，但有時佢地High大左個時，最鍾意就擺明知你就訓，專登用SMS轟炸下你。內容係無內容，只係想你鬧下佢咁。
5. 全城最Hea
朋友既message你慢慢現會愈黎愈短，唔係因為佢地無野想同你講，而係佢地愈黎愈Hea。Ok變k，No problem變No Pro或NP，我見過最恐怖既係SM，即係咩？係解swimming！

講左咁多，其實我想表達既係：
也許只有最親、最真的死黨才會在自己面前表現得最放肆。因為他們知道，你永遠不會因為這些小事而介意、而離開他們。有時，其實他們也會偷偷的給自己製造驚喜，有什麼著數第一時間會想起你，又或者雙方沒有任何約定下，同時做了或帶了一樣東西給大家，好像是想為大家生活上打打氣。又有可能當你想哭，想找個人發洩時，一個電話，已經有一個肩膀在旁。

如果你身邊已經有這樣子的朋友，請謹記，無論日後大家的生活有多不同，又或者見面的時間少之又少，都不要輕易放手。

請努力抓緊每一段珍貴的友誼，一起締造更多只有雙方才明白的回憶。哪怕是瘋狂的3日2夜/2日1夜假期camp，又或是即興的旅行。跟他們一起，即使迷路了、累了、餓了、大吵大鬧，也會覺得這次旅程或假期已經很滿足。
因為只有大家不同的性格，不同的角度，才會令一樣的旅程變得不一樣、不平凡。
你今年約了死黨去瘋狂沒有？